Delhi-ah G20 exhibition of currency ṭan

G20 currency exhibition chu New Delhi-a Indira Gandhi National Centre for Arts-ah nimin aṭang khan hman ṭan niin, July 9 thleng a awh ang.

He exhibition,"Banking on world Heritage" tihah hian India pawisa bikah, Rs.20 note-a chuang Sun Temple, Rs.10 note-a chuang Ellora Caves te, Rs.500 note-a chuang Red Fort leh, Rs.100 note hlui leh thara chuang, Kanchenjunga tlang leh Gujarat-a Rani ki Vav te chu thlir bik turte an ni ang.

G20 member ram dangte pawisa thlir bik tur zingah dollar 100 note-a chuang, Philadelphia-a Independence Hall te, UK pound 5 note-a chuang Westminster's Abbey te leh Brazil leh Argentina te'n an hman ve ve, Iguazo National Park te pawh a tel.

G20 currency exhibition hi G20 member ramte'n an ram pawisa note-a milem an dah zinga United Nations Educational, Scientific and Cultural Organization (UNESCO) -in world heritage site-a a puan zinga mite zir bikna hun a ni. UNESCO-in world heritage site a puan zinga mite hi G20 member ramte hian hriat chianna leh a hlutna an hriat leh zual theih nan exhibition hi neih thin a ni. G20 ram zawng zawngte hian an pawisa note-ah an ram chhunga UNESCO world heritage site-a puan zinga hmun lem hi an print tel ṭhin a ni. UNESCO hian world heritage site hi 1,150 neiin, heng zinga 25% lai hi khawvel ram hrang hrangte'n an pawisa note-ah an print tel a ni.