Ni 62 awh tur Amarnath Yatra hmang ṭan dawn

Hindu sakhaw zuitute hun pawimawh, kum khata vawi khat an hman ṭhin, Amarnath Yatra chu vawiin aṭangin hman ṭan a ni dawn.

Hmun thianghlim tlawh tur mi 3,400 te chuan ven himna hnuaiah nimin khan Kashmir-a Bhagwati Nagar camp an chhuahsan a, J&K Lieutenant Governor chuan kal hmasate hi a vai liam a ni. Amarnath Yatra hman tum hi mi nuai 3.5 inziak lut an awm tawh. Amarnath hmang turte hi CRPF venna hnuaiah Amarnath cave panin J&K aṭang hian Nunwan Pahalgam kaltlangin km 48 an kal ang a, Baltal kawngah km 14 an kal leh ang.

Jammu Deputy Commissioner, Avny Lavasa chuan Jammu hmun 33-ah riahna tur an siam thu a sawi a, hmun thianghlim tlawh tura kalte inziah luhna hmunah Radio Frequency Identification (RFID) an tih vek tur thu a sawi bawk.

Hindu hmun pawimawh, Lord Shiva shrine hi Anantnang district, Jammu & Kashmir Himalaya tlang chhim lam puka awm niin, tuipui atanga metre 3,880 zeta sanga awm a ni. Hindu sakhaw zuitute chuan an ngai pawimawh a, an dam chhunga Shiva cave tlawha hun hman ngei hi an tum ṭhin.