Bengal Panchayat inthlan kaihhnawihah buaina chhuak leh

West Bengal-ah July 8 a Panchayat inthlanna neih tur kaihhnawihah , Inrinni tlai khan Cooch Behar district-a Dinhata-ah chuan buaina chhuak lehin, mi pangain hliam an tuar. Cooch Behar district-ah tho hian BJP hruaitu pakhat, Prasanta Basunia chu mi tu tih hriat lohte'n a chenna inah kal chilhin July 1 khan an lo kap hlum bawk a ni.

Buaina chhuahna hmun hi West Bengal Governor CV Ananda Bose chuan nimin zing khan pan nghalin hliam tuar mi pangate te chu hospital-ah a tlawh a, doctor-te hnenah pawh hliam tuarte chu uluk taka enkawl bik turin a chah.

West Bengal panchayat inthlan hi July 8-a neih tura ruahman a ni a, mi vaibelchhe 5.67 te chu vote thlak thei niin, panchayat chhawng thum, zilla parishad, panchayat samiti leh gram panchayat-a seat 74,000 awm an inchuh dawn a ni.