Enforcement Directorate hmaah Anil Ambani inlan

Enforcement Directorate (ED) chuan kum 64 mi, industrialist Anil Ambani chu foreign exchange law kalha chetna thubuai kaihhnawihah thu zawh fiah turin a ko.

Thubuai chungchang hi chiang taka hriat la ni lo mah se, Ambani-a statement pekte hi Foreign Exchange Management Act (FEMA) bawhchhiatna hnuaia record nia hriat a ni. August 8, 2022 khan Income Tax (IT) department chuan Ambani hi Swiss bank account pahnihah a fund dawn, Rs. vbc 814 a ziah lan loh avanga chhiah chawi pumpelh tuma puhin Black Money Act dan hnuaiah notice a lo pe tawh. He short cause notice hi Bombay High Court chuan April 5, 2023 thleng khan a la stay chhunzawm rih a ni.

Income Tax department chuan Ambani chu duh reng vanga chhiah awl tum tiin, foreign bank-a account a neih leh a pawisa neihte a tarlang duh lo an ti.

Pawisa chheprelh thubuai avangin kum 2020 khan Ambani hi central agency-te hmaah a lo inlan tawh a, Yes Bank neitupa an man tak, Rana Kapoor-a hunlai khan Yes bank-in loan avanga harsatna an tawh laiin Ambani hian loan a lo hmu a ni.