Odisha rel chet sualnaa thi ruang 52-te nihna la hre lo

Odisha-a Balasore hmuna June 2-a rel chetsualna thlenga thi, mi 293 zinga mi 52-te chu an nihna hriat a la ni lo.

Rel chesuala thite ruang tam zawk hi an chhungte'n an lam tawh a, mahse nimin thleng khan AIIMS Bhubaneswar-ah tu tih hriat loh ruang 52 an la kawl a ni. Bhubaneswar Municipal Corporation chuan heng mite hi hriat tuma an beih thu leh an chhungte an zawn mek thu an sawi.

AIIMS Bhubaneswar-ah ruang an dah 81 zinga 29 chu DNA testing hmangin an nihna hriat a ni a, chung zinga 22 chu an hal ral tawh a ni. An nihna hriat tawh ruangte chu AIIMS Bhubaneswar hian an chhungte hnena thawnna zawng zawng an buaipui a ni. Ṭhenkhat chuan an chhungte ruang hi an tan la tura kalna a buaithlak avang leh a harsat avangin lak kher an duh lo tih an sawi bawk.