Supreme Court Collegium-in High Court 7-a Chief Justice turte rawt

Supreme Court Collegium chuan High Court pasarih - Kerala, Orissa, Manipur, Andhra Pradesh, Bombay, Telangana leh Gujarat-a Chief Justice thar ruat turte a rawt.

Chief Justice of India (CJI) DY Chandrachud kaihhruai Collegium-ah hian justices- Sanjay Kishan Kaul leh Sanjeev Khanna an awm a, Chief Justice thar tur rawtna resolution hi pass-in, Nilaini zan khan official website-ah an dah nghal a ni.

Allahabad High Court judge, justice Sunita Agarwal chu Gujarat High Court Chief Justice atan rawt a ni a, Keraja High Court Chief Justice atan Gujarat High Court-a acting Chief Justice, justice Asish J Desai rawt a ni.

Orissa High Court judge, justice Subhasis Talapatra chu Orissa High Court chief justice-ah rawtin, Manipur High Court Chief Justice-ah Delhi High Court judge, justice Siddhart Mridul rawt a ni bawk.

Andhra Pradesh High Court Chief Justice atan Bombay High Court judge, justice Dhiraj Singh Thakur rawtin, Bombay High Court Chief Justice atan Allahabad High Court judge, justice Devendra Kumar Upadhyaya rawt a ni a, Karnataka High Court judge, justice Alok Aradhe chu Telangana High Court Chief Justice atan rawt a ni.