Freelance journalist pakhat lakah CBI-in FIR theh lut

Enthlatua puh an nih avanga May thlaa an man, Freelance defence journalist, Vivek Raghuvanshi leh Navy commander hlui, Ashish Pathak-te lakah CBI chuan FIR an theh lut.

CBI chuan journalist hi dik lo taka Defence Research and Development Organisation (DRDO) thu rel ṭhenkhat lo la chhuaka puhin an man a, a laka thubuai ziah luh a nih hnu hian CBI-te chuan Delhi leh Rajasthan-a Jaipur-ah hmun hrang hrang 15 an dap. Raghuvansi leh a chhungte hnen aṭangin electronic thil 48 mansak a ni a, laptop, tablet leh mobile phone bakah hard disk leh pen drive te an man a, heng khawl chhunga thil awm zawng zawngte chu an en fiah nghal bawk.

Raghuvansi hian Indian armed force-te'n ralthuam lei an tumna ram bakah, ram thuruk tawp sawia inbiakna te, India-in a ṭhianṭha ramte nena ruahmanna an siam chi hrang hrang, ram himna leh dinhmun atana hlauhawm thei te chu a ruka lo neiin, ram dang agency-te hnenah a hralh ṭhin niin CBI-te chuan an sawi. Raghuvansi hian ram dang aṭangin Rs. vbc 3 chuang a dawng tawh niin an sawi a ni.