Sorkarin purun sen dah ṭhat tur ton nuai 3 a lei

Consumer affairs secretary, Rohit Kumar Singh chuan sorkar laipui chuan kum dang aia 20% zeta tam, purun sen ton nuai 3 dah ṭhat (buffer stock) atana a lei thu nimin khan a sawi. Singh chuan Bhabha Atomic Research Centre (BARC) nena thawk duna, heng purun sente ṭhat rei theihna tur atana irradiation (cell ṭha lote tihhlumna) an kalpui ṭan nghal thu a sawi bawk.

Buffer stock-te hi Price Stabilisation Fund (PSF)-in enkawla buaipuiin, a tlem huna thil man to lutuk tur ven nana hman ṭhin a ni. Kum 2022-2023 chhung khan sorkar laipui hian purun sen hi ton nuai 2.51 leiin a lo dah ṭha tawh a ni.

Buffer stock-te hi sorkar laipui hian supply tlem hunah open market hmangin a hralh chhuak ṭhin. State leh UT sorkar bakah sorkar rawih agency-te kaltlangin mipuite lei theiha a awm theih nan a hralh chhuak ṭhin bawk a ni. Sorkar data aṭanga a lan danin, July 15 thleng khan India ram pumah purun sen man hi kg 1-ah Rs. 26.79 niin, a sang berah Rs. 65 leh a hniam ber Rs. 10 a ni.