President- in ram 5 palai hriatpuina leh pawmpuina hun hmang

President Droupadi Murmu chuan nimin khan ram panga, Chad, Finland, Burundi, Angola leh Ethiopia palaiten India President hnena an credentials (nihna leh ram hriatpuina lehkha) theh luh a pawmsak.

Rashtrapati Bhavan thuchhuahin a tarlan dan chuan he huna an credentials theh lut, President-in a pawm takte chu; Republic of Chad Ambassador, Dillah Lucienne, Republic of Burundi Ambassador, General Aloys Bizindavyi, Republic of Finland Ambassador, Kimmo Lahdevirta, Republic of Angola Ambassador, Clemente Pedro Francisco Camenha, Federal Democratic Republic of Ethiopia Ambassador, Demeke Atnafu Ambulo te an ni tih a tarlang bawk.

Ram pakhatin ram danga palaite chu an ram tirh leh aiawh ngei a ni tih lantir nan leh tirh an nihna lehkha kengin, palai hna an thawhna hmuna ram hotu lu ber hnenah hriatpuina hi an theh lut ṭhin a ni.