President pian champha lawmpui

President Ram Nath Kovind chu nimin khan kum 75 a tling a, ram hruaitu hrang hrangten  lawmpuina leh duhsakna an hlan. 

Ram Nath Kovind hi kum 1945, October 1 khan Uttar Pradesh-a Kanpur district-a Paraunkh khuaah a piang a ni. Politics a luhchilh hma hian lawyer a ni ṭhin a, he hna hi kum 16 chhung Dehli High Court leh Supreme Court-ah a practise ṭhin. Kum 1991-ah BJP a zawm a, hun eng emaw chen party national spokesperson-ah a awm.

Kum 1994 khan Uttar Pradesh aṭangin Rajya Sabha member tura thlan a ni a, MP hi a zawnin term hnih thlan tlin niin kum 2006 khan he dinhmun hi a chelh. Kum 2015, August 16  khan Bihar Governor thar atan lakluh a ni. 

Kum 2017 June thlaa India President thlan dawn khan rorellai, NDA candidate atan puan a ni a, hemi kum July 20 khan thlan tlin a ni. Kum 2017, July 25 khan India President 14-na atan lakluh a ni.