Manipur tan Arunachal-ah thisen pek runpui buatsaih dawn

Manipur Welfare Society of Arunachal Pradesh (MWSAP) leh Arunachal Life Saving Foundation (ALSF) chuan kar liam ta Inrinni khan, Manipur buaina tuartute tan ni thum awh thisep pek runpui an buatsaih dawn tih an sawi.

Thisen pek runpui hi August 8-10 chhunga neih tura ruahman niin, state health department leh Ramakrishna Mission Hospital (RKMH)-te nena ṭangkawpa buatsaih a ni dawn tih Arunachal Life Saving Foundation chairman Ramesh Jeke chuan thuthar lakhawmtute a hrilh.

Arunachal Life Saving Foundation chairman chuan, "Thisen hi indona leh buaina chhuah naah mamawh a ni ṭhin a, chuvang chuan Manipur-a thisen mamawhna phuhru turin, pawl pahnihte hian thisen pek runpui buatsaih hi a rel a ni," a ti.

Thisen pek runpui buatsaih chu Manipur buaina chhuak tuarte enkawlnaa tha an thawh vena anih bakah, hmarchak state 'seven sisters'-te in unauna lantirna a ni, tih Jeke chuan a sawi.

Thisen pek runpuia thisen lakkhawmte chu Manipur-ah awlsam leh rang taka thawn a nih theih nan he thil buatsaihtu pawlte chuan Governor leh state sorkar an ngen tur thu a sawi bawk.