CBSE zirlaiten ṭawng chi 22 in zir thei dawn

Union education minister Dharmendra Pradhan chuan ram chhunga Central Board of Secondary Education (CBSE) hrang hrangah ṭawng 22 in a zir theih tawh dawn tih a sawi.

CBSE school-ah hian medium of instruction-ah English leh Hindi chauh hman a ni ṭhin.

Minister Pradhan chuan he ruahmanna thar siam chungchangah Zirtawpni liam ta khan CBSE chuan thuchhuah siamin National Education Policy (NEP) hnuaiah CBSE school, Class 1-12-ah ṭawng chi 22 hman phal a ni tawh dawn tih a hriattir a ni, a ti. Heng school-ah zirlaite chuan an ṭawng duh hi an thlang thei dawn a, NCERT pawh hemi atana textbook buatsaih tura hriattir an ni tawh bawk a ni,tiin a sawi.