AP-ah political party thar BCYP din

Entrepreneur lar leh loneitu ni bawk, Bode Ramachandra Yadav chuan Andhra Pradesh-ah political party thar, Bharata Chaitanya Yuvajana Party (BCYP) a din.

Pathianni khan Guntur district-a Acharya Nagarjuna University-a public meeting, 'Praja Simha Garjana' neihah party thar hi tlangzarh a ni. He hunah hian kalkhawm an ṭhahnem hle a, an zingah han Dr BR Ambedkar-a tupa, Prakash Ambedkar leh Mandal Commission chairman, BP Mandal-a tupa, Suraj Mandal-te pawh an tel.

Ramachandra Yadav chuan a party dinin a tum ber chu YSR Congress Party (YSRCP), TDP leh Indian National Congress (INC) awpbehna laka Andhra Pradesh mipuite hruaichhuah a ni tih sawiin, YSRCP leh TDP chu Backward Classes (BCs), Scheduled Castes (SCs), Scheduled Tribes (STs) bakah minority dangte ngaihthahah a puh.