JD(S) in Lok Sabha inthlanah party mala chuh tum

Janata Dal (Secular) chuan 2024 Lok Sabha inthlanpuiah eptu ṭangrual pawl, INDIA emaw, BJP kaihhruai NDA emaw thawhpui a tum lo a, party malin inthlan hi a chuh dawn tih JD(S) hruaitu leh prime minister hlui Deve Gowda chuan a sawi.

Gowda chaun, "Inthlanah hian kan party chuan seat panga, paruk, pathum, pahnih emaw pakhat chauh emaw pawh la ila, party malin kan chuh dawn tho a ni," tiin, party worker hrang hrangte an biakrawn hnuah, an party chakna bialah chauh candidate siam an tum tih a sawi bawk.

Eptu ṭangrual pawl emaw, BJP kaihhruai pawl emaw an thawhpui dawn lo tih a sawi rualin, boruak awmdan azirin an party awmzel dan tur chu an la ngaihtuah tur thu a sawi. Kum 2019 inthlanpuiah hian Karnataka-ah JD(S) leh Congess hi an thawk dun a, seat 28 awmah seat khat ve ve chauh an la pha a, Deve Gowda ngei pawh hi a chak zo lo a ni.