Kum 34 hnuah Muharram hmang

Srinagar-a Muslim peng pakhat, Shia Muslim-te chuan July 26 khan kum 34 zet Muharram hman khapsak an nih hnuah an hmang leh thei ta.

Muharram hmannaah hian Shia sakhaw zuitu mi 100 chuang chuan ralmuang takin Gurubazaar aṭanga Srinagar inkar kawng an zawh. Kawng zawhte chuan Lieutenant Governor hmalakna chu lawmawm an tih thu an sawi bawk.

Muharram hmanga kawng zawh zinga Amir Jaffar chuan,"He hun hmang tur hian kum 34 kan nghak a. Hazrat Imam Hussain puala flag kan han keng leh theite hi thil chhinchhiah tlak a ni," tiin a sawi.

Muharram puala kawng zawh an neih hnuhnun ber chu kum 1990 kha a ni a, hetih laia kawng zawhte hian India dodal zawnga an kawng zawh an kalpui avangin Srinagar-ah hian Shia-te'n Muharram an hman hi khap a ni zui ta a ni.