Rajya Sabha Business Advisory Committee meeting boycott tum

Eptu party intel khawm, I.N.D.I.A chuan Manipur buaina chungchanga Prime Minister a ṭawng chhuah duh loh avangin Rajya Sabha Business Advisory Committee (BAC) ṭhu khawm tur boycott an tum.

Parliament upper house, Rajya Sabha BAC-ah hian member 11 awmin Vice President chu ex-officio chairman a ni. BAC-ah hian I.N.D.I.A zinga mi MP pathum telin, Congress, RJD leh TMC aṭangin pakhat ṭheuh an awm. Eptu party-te chuan anni bakah hian meeting observer turin mi pakhat tirh an tum thu an sawi bawk a, hei erawh phal a ni ang em hriat a la ni lo.

Modi thuchhuah neih loh avang hian session ṭan ni, July 20 khan eptu party hruaitu ṭhenkhat chu BAC ṭhut khawmna aṭang hian an lo chhuak tau tawh a, Delhi-a group A officer-te transfer leh posting chungchanga thuneihna inpekna tura central-in ordinance siam a tum pawh an dodal bawk. Eptu party hrang hrang, Congress, TMC, DMK, RJD, NCP, AAP leh Left party hruaitute chuan an lungawi lohna lehkhaa Chairman an hriattir hnu pawha Chairman-in an lehkha a pawm duh loh avangin Parliament hi an chhuahsan tawh bawk a ni.