I.N.D.I.A meeting August-ah nei leh dawn

Eptu party intel khawm, I.N.D.I.A chuan August 25 leh 26 hian Mumbai-ah meeting an nei leh dawn tih an sawi.

Meeting-ah hian party hrang hrangte thawhhona tur atana committee peng hrang hrang siam leh I.N.D.I.A hmalakna turte ngaihtuah a, kum 2024 Assembly inthlan hmachhawn bakah, kawng zawh leh a ṭul dan a zira nawrh huaihawt thute an ngaihtuah ang.

Mumbai-a meeting an neih tur hi a ṭum thumna tur a ni a, meeting neih hma hian eptu party hrang hrangte hian member 11 awmna committee, an pawl kal dan kaihruaitu tur an din phawt tura ngaih a ni. He committee-ah hian Congress, Trinamool Congress, DMK, AAP, JD(U), RJD, Shiv Sena (UBT), NCP, JMM, Samajwadi Party leh CPI(M) aṭangtein mi pakhat ṭheuh ruat tur a ni, party dangte erawh chuan member an nei thei dawn lo a ni.

Eptu party intel khawm hian June leh July-ah te Patna leh Bengaluru-ah meeting an lo nei tawh a ni. Bengaluru-a meeting an neih ṭuma an thu chhuakah chuan pawl thawhhona tha tichak turin joint secretariat neih an tum thu an sawi a, hei erawh hmalakna a la awm lo a ni.