Ahmedabad damdawi-inah kangmei chhuak: Damlo 125-te hmun dangah sawn chhuak

Gujarat-a Ahmedabad khawpuia Rajasthan Hospital basement-ah nimin zing khan kangmei a chhuak a, venthawn thilah damlo 125-te chu hmun dangah sawnchhuah an ni.

Hospital building hi chhawng 10-a sang niin, chei ṭhat mek a ni. Hei vang hian basement-ah bungruate dahkhawm niin, he hmun aṭang hian kangmei hi a chhuak a ni. Zing dar 4:30 velah kangmei hi a chhuak a, kangṭhelhtu pawlte kal nghalin hmun dang a kankai hmain an ṭhelh hman a ni. Kangmei chhuahna chhan tak hriat a la ni lo.

He hospital hi charitable trust enkawl a ni a, damlo enkawl lai 125-te chu hospital hrang hrangah sawn an ni.