Central Team-in Telangana tlawh dawn

Ruah sur nasa avanga tuilianin chhiatna nasa tak a thlenna, Telangana state chu vawiin hian central team-in an tlawh dawn.

Central team hi national disaster management authority (NDMA) advisor Kumal Satyarthi-a'n a ho dawn a; agricutlure, finance, Jal Shakti, power, road transport and highway leh natinla remote sensing centre (NRSC) ministry/department aiawhte an tel bawk ang. Union home minister Amit Shah thurawn angin central team hi tirh an ni.

Telangana state-ah hian kar liam ta khan ruah sur nasa tak avangin tuilian bakah, leilung chhiatna dangte a thleng a, mi 18 an thi a ni. Harsatna tawkte chhanchhuah leh chhawmdawl hna hi thawh ni mah se, ruah a sur chhunzawm avangin hna thawh a chak thei lo.

Chief minister K Chandrasekhar Rao chuan Inrinni khan chhawmdawl hna thawh hrang hrangte a enpui a, minister leh chief secretary-te meeting a neihpui bawk.