BJP-in 2024 inthlanpui atan social media-ah ṭan lak tum

Social media theihna san tawhzia sawiin, BJP chuan kum 2024 Lok Sabha inthlanpui lo awm tur atan state tina social media lama an party-in ṭan an lak thar theihna tur atan, 'Shankhnaad' campaign an kalpui dawn tih a sawi.

BJP hian state leh UT te chu zone pasarihah ṭhenin, zone tinah prabharis leh volunteer-a thawk tur eng emaw zat an ruat a, heng prabharis-te hian 'Shankhnaad' campaign hi an state chan chhungah an kalpui ṭha em tih an vil ṭhin dawn a ni. August 30-ah state tinah workshop buatsaih an tum bawk.

Social media enkawl tura hotu ruatte chu ruahmanna lo siamsa tura beisei an nih thu leh, IT department pawh state aṭanga mandal thlenga volunteer-te lo buatsaih a, Whatsapp group pawh siama vil turin an hrilh bawk.