US-in Super Hercules fleet bungrua lei a remti

India-in C-130J Super Hercules cargo aircraft thuam chakna tur atana US dollar maktaduai 90 man hu equipment, spare part leh logistical support lei a tum chu Pentagon chuan a remtih sak. 

Hemi chungchang hi US Defence Security Cooperation Agency (DSCA) chuan US leh India inlaichinna chu a ṭhat zel theih nana rem tih a nih thu a tarlang a, US foreign policy tihhlawhtlinna pakhat a ni bakah US chuan ramdang te security lama a puih theihna a nih thu a tarlang bawk. Hei bakah hian Indo-Pacific leh South Asia region-a security thuam chak a nih theih nana hmalakna pakhat a nih thu a tarlang a, muanna a awm theih nan leh economy lamah ram pahnihten hma an sawn zel theih nana remna hi ziah a nih thu DSCA chuan a tarlang.

India chuan Pentagon hnenah C-130J Super Hercules cargo aircraft-in a mamawh bungruate hi lei a dil a, Pentagon chuan a hnuah a rem ti ta a ni.  US hnen aṭanga a thil lei tum te hi aircraft consumables spare, Cartridge Actuated Devices/ Propellant Actuated Devices (CAD/PAD) fire extinguisher cartridges; flare cartridges; BBU-35/B cartridge impulse squib, AN/ALR-56M Advanced Radar Warning Receiver shipset; spare AN/ALE-47 Countermeasures Dispenser System shipset; ten Lightweight Night Vision Binocular (F5032); ten AN/AVS-9 Night Vision Goggle (NVG)(F4949); GPS leh Electronic Warfare te an ni. 

India hi US hnen aṭanga C-130J Super Hercules aircraft lei thei ram 17 zingah a tel a, Indian Air Force-te chuan tunah hian C-130J-30s panga an enkawl mek a ni. Tunah hian India chuan C-130J-30s Super Hercules aircraft lei belh tumin hma a la mek bawk.