Article 370 hlih duh lohna petition SC-in ngaihtuah ṭan

Jammu & Kashmir tana chanvo leh rorelna hran pekna, India constitution-a article 370 hlih duh lohna petition lutte chu chief justice of India DY Chandrachud kaihhruai constitution bench judge panga awmna chuan Nilaini aṭanga ngaihtuah ṭanin, a ni tiamin petition zawng zawng an ngaithla dawn tih an sawi.

Constitution bench judge panga zingah hian Justice Sanjay Kishan Kaul, BR Gavai, Sanjiv Khanna leh Surya Kant te telin, anni hian July 11 khan ziaka complaint theh luh duh tana July 27 thleng an hawn thu an sawi tawh. Hei hi party hrang hrangte'n an sawi duh theh luhna hun hunhnung atana hman nghal a ni. Bench hian Thawhṭanni leh Zirtawpni tiam loin, thu theh luhte chu a ni indawt zela an ngaihtuah tur thu an sawi a ni.

Tunah hian petition thar lam chauh ngaihtuah tura pawm rih a ni a, thubuai pangngai ngaihtuah a ni rih lo. Article 370 leh Jammu & Kashmir Reorganisation Act, 2019 hlih duh lohna petition hi eng emaw zat a lut tawh a ni.