Haryana buaina chhui tur SIT din

Haryana Police-te chuan, Nuh leh Gurugram-a sakhaw pahnih inkara buaina chhuak kaihhnawiha case 44 ziah luhte chhui chiang turin Special Investigation Team (SIT) din a ni dawn tih an puang.

Director general of police, PK Agrawal chuan,"He buaina phenah hian eng pawh awm se kan chhui chhuak dawn a, thil sual titu chu tu mah hrem lohin kan chhuah lo ang," tiin a sawi. Police-te chuan Bajrang Dal member-te an chhui zui mek bakah, bawng humhalhtu Monu Manesar chu buainaa a bul tumtu nia hriat a nih avangin enthlak mek a nih thu an sawi. Manesar hi February thlaa Muslim pahnih thahnaah khan rinhlelh ber a ni a, Haryana Chief Minister pawhin Rajasthan sorkar chu Manesar bitum a phal thu a sawi.

Nuh leh Gurugram-ah hian buaina chhuah chhunzawm rih lo mah se boruak a la rit hle a, curfew thlah dul a ni tawh chungin mi tam tak chuan pawn chhuah an la ngam lo. State sorkar chuan social media vil turin member pathum awmna panel a din thu Haryana home minister, Anil Vij chuan a sawi a, police pawhin buaina nasa zawk chhuak thei laka inven nan Nuh-ah hian India Reserve Battalion-a police 1,000 duty turin an tir chhuak tih an sawi bawk.