Allahabad HC-in Gyanvapi mosque committee-te thu thlen a hnawl

Allahabad High Court chuan Anjuman Mosque committee-in Archeological Survey of India (ASI)-in Gyanvapi mosque zir chianna an neih tur duh loa petition an thehl uh chu nimin khan a hnawl.

Court chuan thil dik hriatna atan zir chianna neih hi a ṭul a ni tih a sawi a ni.

Uttar Pradesh-a Varanasi khuaa awm, Gyanvapi mosque hi Hindu hmuna sak a ni tiin May 16 khan hmeichhe palite'n thubuai an theh lut a, Varanasi district court chuan July 21 khan ASI zir chian turin a ti a ni. District court thutlukna hi mosque committee chuan Supreme court-ah thlenin, SC hian Allahabad High Court-a thlen tur leh, Allahabad High Court pawhin court hniam zawk thu chu stay rih a, mosque committee-te chu petition siamna hun pe turin a hrilh.

Chief justice Pritinker Diwaker chuan Allahabad High Court thutlukna chu chiang tawh mah se, order hran siam a nih hma chuan zir chianna chu neih a ni lo ang, a ti thung.