Brij Bhushan thubuai kar leh aṭangin ngaihtuah dawn

Hmeichhe wrestler-te laka mawi lo taka che ṭhina puh, Wrestling Federation of India (WFI) chief a nihna aṭanga ban tak, BJP MP, Brij Bhushan Sharan Singh leh a thurualpui nia sawi, Vinod Tomar-te laka thubuai theh luhte chu Delhi's Rouse Avenue Court chuan August 9 aṭangin a ngaihtuah ṭan dawn.

Brij Singh ban tur leh hrem tura phut hian Olympic leh World Championship-a medal hrang hrang lo la tawh ṭhin wrestler, Sakshi Malik, Vinesh Phogat, Bajrang Punia leh Sangeeta Phogat te chuan Delhi-ah hun rei tak nawrh an lo huaihawt tawh a ni. Singh-a'n hmeichhia a khawih zingah hian kum tling lo pawh a tel niin an sawi.

Police-te hian Singh laka thubuai hi thla hmasa Supreme court a inrawlh hnuah chauh an ziak lut a ni. Charge sheet phek 1,000 chuang ziakin, Brij Singh bakah hian WFI staff leh Singh-a thurualpui nia hriat, Tomar te lakah hian thil sual tih tum, hmeichhe zahawmna tibawrhbang, inchhaih nawmnah leh a dangte hmangin thubuai hi an ziak lut.