Chandrayaan 3-in Thlain khawvel a helna kawng a thleng

India space mission-in a ṭum hnihna atana mihring tel loa thla leilung zir chiang tura a tirh, Chandrayaan-3 chuan Inrinni khan Thlain khawvel a helna kawng a thleng tawh tih an puang. Chandrayaan-3 hi Indian Space Research Organisation (ISRO) chuan kar thum liam ta khan an kap chhuak a, ruahman anga thil a kal a nih chuan August 23 velah Thla leilung hi thleng tura ngaih a ni.

Indian aerospace mission thar ber hi Sanskrit ṭawnga 'Mooncraft' tih hming an phuah. Khawvel aṭanga kan hmuh theih loh, Thla leilung chhim lam thla la tura ruahman a ni. Chandrayaan-3 kah chhuahna tur atan hian USD mtd 74.6 vel sen a ni a, Thla leilung zir tura hlawhtling taka mission lo nei tawh, Russia, USA leh China-te aiin sum a seng tlem fe zawk a ni. Khawl leh hmanrua an neih sa bakah a buatsaihtu engineer-te hlawh tlem chuan he mission sum sen tlemna hi a thlen niin ISRO chuan an sawi.

India hian 2008 khan Chandrayaan-1 tirin, Thla chhim lama ṭum hmasa ber a lo ni tawh. Kum 2019-ah Chandrayaan-2 tir lehin, hei erawh thunun zawh loha a ṭum avangin a hlawhtling ta lo. Kum 2014 khan India hian Mars hel tur satellite a lo tir tawh bawk a, hei hi Asia ram zingah chuan a ti thei hmasa ber a ni.