J&K Poonch-ah firfiak 2 kah hlum an ni

India leh Pakistan inrina, Line of Control (LoC) aṭanga rawn luh ruk tum firfiakte chu nimin zing khan Jammu and Kashmir, Poonch district-ah Indian Army-ten nangchingin an zinga mi pahnih an kap hlum.

Kupwara police-te nena joint operation an neih mekah, Indian Army-te chuan Tangdhar section-ah firfiak pahnih an kah hlum thu leh, an kah hlumte ruang erawh an la lak loh thu an sawi. Indian Army-te nena joint operation an neih thu hi Kashmir zone police chuan X (Twitter ti-a kan hriat ṭhin)-ah tarlangin,"Army leh Kupwara police joint operation nei mekte chuan LoC aṭanga ramri kan tum firfiakte Amrohi chhunga Tangdhar sector-ah an kap hlum a, hmanrua bakah silai leh a mute man a ni. Firfiak dang zawn chhunzawm hna thawh mek a ni," a ti.