RS chairman-in TMC MP Derek O'Brien hrem

9th August, 2023

Rajya Sabha chairman, Jagdeep Dhankar chuan nimin khan House chhunga mawi lo taka a chet avangin Trinamool Congress (TMC) MP, Derek O' Biren chu Parliament monsoon session neih chhung zawnga tel thei tawh lo turin hrem.

Derek O'Brien hian eptu party-te'n no confidence motion an put lut chungchangah dan anga sawiho vat a, prime minister Narendra Modi pawh House-a kaltir ngei a tum avanga ṭawng chhuak a nih thu a sawi. House-a TMC party hruaitu, O'Brien suspend a nih tak avang hian eptu party hrang hrangte chuan an lungawi lohna lantirin rorel an tibuai a, session hi chhun dar 12 thleng tihtawp lailawk a ni.

House leader, Piyush Goyal chuan suspend motion hi rawn pu lutin, House rorelna tibuai zawnga che leh buaina siam a, Chairman thuawih loah a puh. Suspend a nih hnuah TMC hruaitu hian Prime Minister chu Rajya Sabha-a kal tura a phut thu a tweet chhunzawm.