August 11-a Manipur chungchang sawiho turin sorkar inpeih : Amit Shah

Union home minister, Amit Shah chuan sorkar chu August 11-a Manipur chungchang sawi tura a inpeih thu leh eptute zawk chu sawiho loh dan ngaihtuahtu zawk an nih thu a sawi. Rajya Sabha-a Delhi Services Bill sawiho a nih khan Chairman hnenah Manipur chungchang sawiho an inpeih thu ziakin a thlen tih Shah chuan a sawi. Constitution-in mawhphurna a pek anga member-te zawhna awm zawng zawng chhang tura a inpeih thu a sawi a,"Monsoon session ṭan hma daih khan ziakin in Manipur chungchanga sawihona neih ka duh thu ka sawi tawh a, nangmahni zawkin in pawm thei lo a ni," a ti.

Eptute'n rule 267 hmanga sawihona neih an phutna pawh chhang letin,"Kan sawiho tur hi Manipur a ni a, sorkarin eng angin nge he buaina chingfel tur hian hma a lak tihte sawiho tur kan ni. Vote hmanga party chakna lantir hun a ni lo, rule 267 hi chuan sawiho piah lamah vote lak a keng tel a ni," tiin a sawi.

Session ṭan tirh aṭang khan eptute chuan Manipur buaina chungchang sawiho phut hian house rorel hi an tikhaihlak fo a ni.