UK-a Sovereign parade hmanpui turin Chief of Army Staff zin

Chief of Army Staff, general Manoj Pande chu nimin khan Royal Military Academy, UK-a Sovereign Parade of Commissioning course hmanpui turin a zin. He parade-ah hian Sovereign Representative tura ruat a ni. UK-ah hian ni nga a cham dawn a, a cham chhung hian British defence hotute a kawm bawk ang.

Royal Military Academy, Sandhurst-a 201st Sovereign Parade of Commissioning course neih tur hi ngaihven hlawh leh tun hma aṭanga event ropui bik anga ngaih a ni a ,khawvel hmun hrang hrang aṭanga officer cadet passing out-te chuan ngaihhlut an hlawh ṭhin hle. General Manoj Pande hi he parade atana India Chief of Army Staff zinga sovereign representative tura ruat hmasak ber a ni.

Chief of Army Staff hian Gen. Sir Patrick Sanders, Chief of General Staff of the British Army leh Gen. Gwyn Jenkins, U.K. armed force-a Vice Chief of Defence Staff te a kawm dawn. U.K. Strategic Command Commander, Gen. Sir James Hockenhull, bakah Field Army Commander, Lt. General Ralph Wooddisse leh Royal Military Academy Sandhurst Commandant, Major General Zachary Raymond Stenning te chu high-level meeting a neihpui beisei a ni bawk. Inkawmna leh meeting a neihpui turte hi ram pahnihte'n ralthuam leh venhimna lama tum thuhmun an neih chungchang te, firfiaka chetna dodalna kawnga hmalak dan tur leh ral rel kawnga thawhhona chungchangte a ni ang.