Eptu MP-te'n Sansad TV thu chhuah an sawisel

Lok Sabha-a no confidence motion sawiho a nih mek laiin, Thawhlehni khan eptu MP- te chuan Lok Sabha rorel live-a pe chhuaktu, Sansad TV channel-a thubawkvak (scroll)-ah prime minister Narendra Modi hnathawh ṭhat tarlan a nih chu duh loin, house rorel minute 10 chuang an tikhaihlak.

BSP MP, Danish Ali chuan Sansad TV thubawkbak hi sawiselin,"No confidence motion sawi a nih lai, sorkar ring tawk loa kan sawiho mek laia hetianga TV lama sorkar hnathawh ṭhat lo tarlan hi thil tih ngai loh a ni,"tiin, Sansad TV chu Modi ṭan zawnga thuchhuahah a puh. Lok Sabha house chhungah hian member-te'n an rorel lai live-a an hmuh ve pah theihna tur atan TV lian tak dah a ni a, hetah hian Sansad TV live chu chhuah ṭhin a ni.