Har Ghar Tiranga 2.0 hawnnaah MP-te'n bike-in Delhi an fang

Independence Day vawi 75-na lawmna tur puala buatsaih, Har Ghar Tiranga campaign chu nimin zing dar 8 khan vice president Jagdeep Dhankar chuan a hawng.

Har Ghar Tiranga 2.0 hawnna hunah hian Delhi-a awm MP eng emaw zat chu Pragati Maidan (Mahatma Gandhi thlan)- ah kal khawmin, an bike-a India flag tar chungin Delhi khawpui an fang chhunzawm a ni.

Har Ghar Tiranga campaign hi PM Narendra Modi hmalakna niin, nikum khan hman a lo ni tawh. Kuminah hian 'Azadi ka Amrit Mahotsav' puala August 13 - August 15 chhunga India rama mi zawng zawngte'n anmahni ina India flag an zar ngei theihna atan leh nikum aia tama mipuiin flag an zar theihna atan campaign hi an kalpui leh a ni. Nikuma Har Ghar Tiranga hmang, an thlalak upload hi vbc 6 an tling.

Tun hma chuan mipuiin an duh duha national flag an zar ve hi phal a ni ngai lo. Industrialist, Naveen Jindal-a'n mipuiin an duh anga national flag zalen leh zah taka an zar ve hi India constitution 19(1)(a)- in min phalsak, kan fundamental rights a ni tia Supreme Court-a a thlen hnuah, January 23, 2004 hnu khan phal a ni ve ta chauh a ni.