NMC-in doctor-te Generic drug chauh chawh a phalsak

National Medical Commission (NMC) chuan doctor zawng zawngin generic drug chauh an chawh tur a ni a, hetiang ti lo chu hremna pek an nih bakah hun eng emaw ti chhung an license tihtawpsak an ni bawk ang tiin dan thar a siam.

NMC hian August 2 khan thuchhuah siamin India mipuite hian sorkar hriat lem loh damdawi ang chi an leina atana an pawisa hman hi a tam zawk a nih thu an sawi. "Generic drug-te hi 30%- 80% laiin branded drug aiin a tlawm zawk a. Heng damdawi kan hman hian kan healthcare atana kan sum sen a tlakhniam dawn bakah inenkawlna ṭha zawk kan nei thei dawn a ni," ati.

NMC hian generic drug a tih hi damdawi hmanna bik nei, a ei dan phunga brand nei te nena ang khata ngaih theih, damdawi hnathawh dana ṭha pangngai tak leh chak tawk tak tiin a sawi. Branded generic an tih ho erawh chu patent-tu awm lo, damdawi siamtu company-te siam leh company hrang hrang hminga an zawrh leh chhawn ang hi a ni. NMC thuchhuah chuan damdawi chawhte hi hawrawppui veka ziah ni tura an duh thu an sawi a, a theih phei chuan tihsual a awm lohna atan khawl chhut leh print hman tur a ni, a ti bawk.