Har Ghar Tiranga website-ah selfie mtd 40 chuang upload

Sorkar laipuiin Har Ghar Tiranga campaign peng pakhat atana website-a selfie upload tura mipuite a sawm hnuah, website-ah hian selfie mtd 40 chuang upload a ni tawh.

Har Ghar Tiranga campaign hi August 13-15 chhung kalpui a ni ang.

PM Modi chuan Har Ghar Tiranga campaign hawnnaah hian mipuite chu I-Day puala campaign-ah hian tel vek turin a sawm. Independence Day ropui leh hriatreng tur an hman theih nan social media-a an display picture-te chu India Flag-a thlak vek turin a sawm bawk a ni.

Har Ghar Tiranga website chuan India flag nena selfie hi 4,36,44,013 a dawng tawh. Website home page hi selfie upload theih tura siam ṭhat a ni a, portal hawn chiah hian digital Tiranga leh selfie upload-na tur hi a awm.

Amrit Kal (era of freedom) hnuaia Independence Day lawm vawi hnihnaah hian Har Ghar Tiranga bakah kar khat chhung awh tur ruahmanna hrang hrang siam a ni.