Rahul Gandhi-a'n Ladakh a tlawh

Congress hruaitu, Ladakh tlawha zin mek, Rahul Gandhi chuan a cham hun tur chu August 25 thleng a pawtsei.

Rahul Gandhi hian a pa, prime minister hlui Rajiv Gandhi piancham, August 20 chu Pangong lake-ah hman a tum tih party thuchhuah chuan a tarlang.

Gandhi hi Ningani khan Ladakh hi a thleng a, August 15, 2019-a Article 370 leh 35 (A) ṭhiah a nih a, Jammu & Kashmir state chu Ladakh leh J&K Union territory-a ṭhen a nih hnua Ladakh a tlawhna hmasa ber a ni. Gandhi hian kum tirah khan mimal thil leh Jodo Yatra avangin Srinagar leh Jammu hi ṭum hnih zet a tlawh a, Ladakh erawh a thleng lo. Ladakh-a a awm chhung hian Kargil memorial tlawhin, ṭhalaite nena inkawmna hun a hman dawn bakah, College a kal laia a tuipui em em ṭhin, football inkhel ena Leh khuaa kal a tum thu a sawi.

Congress hruaitu hian member 30 awmna, Ladakh Autonomous Hill Development Council (LAHDC) inthlan neih tura atana August 25-a Congress leh National Confernce-ten meeting an neih turah pawh a telpui dawn a ni.