Karnataka-ah UAV aircraft enchhin a tla
Defence research Development Organisation (DRDO) chuan Pathianni khan mihring khalh ngai lo, Umanned Aerial Vehicle (UAV) enchhin lai chu Karnataka-a Hiriyur Taluk khuaah a tla niin an sawi.
He UAV, TAPAS 07 A-14 hi test flight neih laiin Karnataka-a Vaddikere khaw bulah tla hniam ṭanin, Hiriyur Taluk-a thlai chinna hmunah a tla nia sawi a ni a. A tlak hnu hian khaw mite pung khawmin, a tla lai thlalak leh video-te hi social media-ah hmuh tur a awm nghal a ni. UAV tla hi a chhe hneh hle a, a bung hrang hrangte chu a tlakna hmunah a darh nasa hle a ni.