Criminal law thlakna tur bill avangin eptu MP-te lungawi lo

Criminal law pathum; the Indian Penal Code, 1860, the Criminal Procedure Code, 1898 leh the Indian Evidence Act, 1872 te thlakna tura Lok Sabha-in The Bharatiya Nyaya Sanhita Bill, 2023, Bharatiya Nagarik Suraksha Sanhita Bill, 2023, leh Bharatiya Sakshya Bill, 2023 a pawm tak te ennawn tura Parliamentary Committee on Home Affairs-in panel meeting a kohna notice chu an chhuah tepter avangin eptu member pathumin lungawi lohna an lantir.

Trinamool Congress MP, Derek O' Brien leh Kakoli Ghosh Dastidar bakah, Congress hruaitu, Digvijay Singh te chuan an lungawi loh thu hi ziakin an theh lut a ni.

Ruahman dan chuan panel meeting hi August 24-ah neih tur a ni a, "Prison-Condition Infrastructure and Reforms" chungchanga draft report te ngaihtuah leh pawm tura beisei a ni. Hetih lai hian August 18 zan khan panel member-te hnenah meeting notice pek ṭhat leh niin; August 24, 25 leh 26-ah te bill thar thlirna leh ennawnna neih tur a nih thu leh home secretary Ajay Kumar Bhalla-a'n bill chungchanga member-te briefing a neihpui tur thu hriattir an ni leh ta a ni.