Election Commission national icon tur Sachin Tendulkar

Election Commisison chuan inthlannaah mipuite'n vote thlak an uar deuh deuh theihna tur atan beihpui an thlakna puitu turin, national icon atan, India cricketer hlui Sachin Tendulkar a thlang.

EC hian Tendulkar nen hian nimin khan New Delhi-ah Memorandum of Understanding (MoU) an ziak a, an inremna hi kum thum atan an ziak dawn a, hemi hun chhung hian Tendulkar hian vote thlak tur mipuite mawhphurna hrilh hriat leh sawmna theh darh kawngah a pui ṭhin ang.

Election Commisison hian Tendulkar nena an thawh dunna hmang hian inthlan chungchanga mipuite ngaihdan, a bikin ṭhalaite leh khawpuia chengte ngaihdan thlak theih an beisei a ni. EC chuan ṭhalai, a bikin khawpuia ṭhalaite hian inthlan hi an ngaipawimawh lo hle ni-a an hriat avangin heti hian hma an la ta a ni.

Nikum khan lemchan thiam Pankaj Tripathi chu national icon atan EC hian thlangin an lo thawhpui tawh bawk a ni.