UP Congress-in Varanasi-ah Priyanka Gandhi dintir duh

Uttar Pradesh Congress Committee chuan nakkuma Lok Sabha inthlanpui neih turah, party senior leader Priyanka Gandhi Vadra chu Varanasi bialah dintir an duh tih sawiin, party hotu lute hnenah pawh ngenna hi thlen an tum.

Party state president Ajay Rai chuan, "Priyanka Gandhi hi a duhna hmun dangah pawh ding thei niin a chakna turin theihtawp kan chhuah dawn a, mahse Varanasi bialah hian rawn ding thei se kan duh hle a ni," a ti.

Varanasi hi prime minister Narendra Modi bial a ni. He bialah hian a zawnin Modi hi term hnih thlan tlin a lo ni tawh a, kum 2024 inthlanpuiah pawh a din leh ngei rin a ni bawk.

Rai chuan Modi khing tura Priyanka Gandhi an duhna chhan sawiin, 'Modi aia chak a awm a ni tih hi lantir kan duh a ni," a ti. Hetih lai hian Varanasi hi BJP chakna bial niin, kum 1991 aṭang khan Congress hi ṭum khat chiah an la chak a ni.