Party dangin INDIA Bloc an zawm belh dawn : Nitish Kumar

Bihar chief minister Nitish Kumar chuan eptu pawl intelkhawm, Indian National Developmental Inclusive Alliance (INDIA) bloc-in Mumbai-a meeting an neih hunah, political party dangin an zawm belh dawn tih a sawi.

Janata Dal-United (JD-U) leader, Nitish Kumar hi BJP do let tura eptu party hrang hrangte intelkhawmna dinna kawngah a hma latu ber a ni. An pawl rawn zawm belh tur party-te hming erawh a sawilang lo.

Kumar chuan, "Meeting-a hian nakkuma inthlanpui kan neih tura INDIA bloc hmalak dan turte kan sawiho dawn a ni. Seat insem dan leh, leh thil dang pawimawh tak takte sawihoin tihfel nghal tum a ni bawk. 2024 Lok Sabha inthlan neih hma ngeiin party dangin min rawn zawm belh zel ka duh hle a, hemi atan pawh theihtawp ka chhuah zel a ni," a ti.

INDIA-ah hian eptu party 26 an tel mek a, June 23 khan Patna-ah meeting an nei tawh a, July 17-18 ah Bengaluru-ah an inhmuhkhawm tawh bawk. August 31-September 1 hian Mumbai-ah meeting vawi thumna neih leh an tum a ni.

Congress party hruaitu, Ashok Chavan chuan Mumbai-a meeting neihah INDIA logo tlangzarh a ni dawn tih a sawi.

INDIA-a tel party 26-te hi - , TMC, DMK, AAP, JD(U), RJD, JMM, NCP (Sharad Pawar), Shiv Sena (UBT), SP, NC, PDP, CPI(M), CPI, RLD, MDMK, Kongunadu Makkal Desia Katchi (KMDK), VCK, RSP, CPI-ML (Liberation), Forward Bloc, IUML, Kerala Congress (Joseph), Kerala Congress (Mani), Apna Dal (Kamerawadi), leh Manithaneya Makkal Katchi (MMK)-te an ni.