National Space Day atan August 23 puang

India-in hlawhtling taka thla leilung chhim tawpa Chandrayaan-3 a ṭumtir ni, August 23 chu ram pumah kumtin National Space Day atan hman a ni tawh dawn.

Prime minister Narendra Modi chuan Inrinni liam taa Indian Space Research Organisation (ISRO) command centre, Bengaluru-a ISRO scientist-te hmaa thu a sawinaah he thu hi a puang a ni.

Modi chuan Chandrayaan-3 mission a hlawhtlinna kawnga inhnamhnawih, ISRO scientist-te chu lawmpuina hlanin, ISRO Telemetry Tracking and Command Network Mission Control Complex (ISTRAC)-ah scientist-te nen hian hun an hmang ho zui bawk. Prime Miniter chuan a hmaa lo kahchhuah tawh, Chandrayaan-2 ṭumna hmun chu 'Tiranga' point tia hriat a ni tawh ang tih a sawi.