PM Modi-a'n appointment letter 51,000 sem chhuak

Prime minister Narendra Modi chuan nimin khan Rozgar Mela hnuaia sorkar department leh organisation hrang hranga thawk tur, mi 51,000 hnenah video conference kaltlangin appoinment letter a sem. Modi chuan Rozgar Mela kaltlanga lak tharte hi 'Amrit Rakshaks' tiin a sawi.

Prime Minister chuan, "Tun kum zabiah hian hna lak kawngah thil eng emaw zat tihdanglam a ni a, paramilitary force lamah pawh ṭhalaite tan kawng thar hawn a ni. Tun kum zabiah vek hian India hi khawvela economy lian ram pathumna a ni dawn a, a nih ngei theihna atan keimah ngei hian mawhphurna lain theihtawp ka chhuah dawn a ni," tiin a sawi. Modi chuan,"Tourism industry hian kum 2030-ah India economy atan Rs. vbc nuai 20 aia tam a thawk chhuak thei tawh ang a, chu chuan mi vbc 13-14 hna thar a siam dawn a ni. Motor leh damdawi siamna lamah pawh kan ṭhang nasa hle a, heti lamah pawh hian hna tam zawk a la awm belh ang," a ti a. Kum 9 kal ta vawiin anga Jan Dhan Yojana an tlangzarh thu leh, he scheme-in hna siam belh kawnga a puih nasat thu a sawi bawk.