President-in Rs. 100 thir a tlangzarh

President Droupadi Murmu chuan Andhra Pradesh chief minister hlui, NT Rama Rao hriatrengna puala Rs. 100 thir siam (Commemorative coin) chu Rashtrapati Bhavan Cultural Centre-ah Thawhṭanni khan a tlangzarh. President hian Rao chu Telugu film kaltlanga India cinema leh culture chawisangtu a ni, a ti.

"Lemchan hmangin Ramayana leh Mahabharata te mipui thinlungah a chawk tho a ni. Lord Rama leh Lord Krishna lem a channaah a thiamna leh theihna nasa tak avangin mipuite chuan NTR kha an pathian en phah hial," tiin, "A film pakhat, Manushulanta Okkate hmang khan mipuite tawrhna leh hrehawmna a pho chhuak a, mihringte ang khat kan nihzia a tarlang bawk. A hmingṭhatna kha public servant leh ram hruaitu ni tluk zetin a ropui a, a thawhrimna avangin India ram politics-ah khan danglamna a siam a ni," tiin President hian a sawi zui bawk.

NT Rama Rao fanu, Daggubati Purandeswari chuan,"NTR chu India chhungkuaa fanute'n bungraw chungchanga mipate anga chanvo an neih ve theihna tur atana hma latu leh hmeichhe university; Sri Padmavati Mahila Viswavidyalyam dintu a ni," tiin tlangzarhnaah hian a sawi ve bawk.