Chandrayaan-3 rover-in Thla leilungah sulphur a hmu

Chandrayaan-3 hlawhtling taka Thlaa a ṭum hnuah, Indian Space Research Organisation (ISRO) chuan Chandrayaan-3-in a ken, Pragyan rover-in Thla leilunga sulphur a hmuh thu X-ah an post.

Pragyan rover-ah hian Laser-Induced Breakdown Spectroscope (LIBS) dah a ni a, hei hian laser hmangin hmun leh hmunah experiment a neihtir thei a ni. ISRO chuan,"LIBS hmangin a hmunah scientific experiment neih a ni a, Thla leilung chhim tawp lamah hian sulphur a awm ngei tih fiah a ni tawh. Thla leilunga experiment neih hmasak ber a ni bawk," tiin an tarlang.

ISRO chuan LIBS chu laser pulse na tak hmanga material eng pawh a nihphung ang ni thei tura thil dang awmte hriat theihna a nih thu an sawi a; aluminium, calcium, iron, chromium, titanium, manganese, silion leh oxygen te pawh an awm ngei tih an fiah tawh thu leh, Hydrogen erawh zawn mek a la ni tih an sawi. Scientict-te chuan sulphur chu tun hma pawha hmuh a lo nih tawh thu sawiin, chhim tawp lamah erawh hmuh a la nih loh thu an sawi.

"US, China leh Russia te pawh khan sulphur hi chu an lo hmu ve tawh a, south pole-ah erawh a awm beisei a ni lo. Hei vang hian mithiamte zingah pawh zawhna a siam tam nghal hle. Zir chianna nasa zawk leh sawihona pawh neih chhunzawm leh ngei beisei a ni," tiin an sawi a ni.