Kerala-ah Onam hmang mek; Rs. vbc 665 man zu hralh tawh

Kerala-a Onam festival hman tirh aṭanga ni kua (Uthradom) chhunga an zu hralhna man tling khawm chu Rs. vbc 665 a tling tawh.

Onam hman tirh aṭangin Thawhṭanni kha a ni kuana a ni a, hemi hun chhunga an zu hralhna man hi nikuma Onam hman tirh ni kua chhunga an zu hralhna man aiin Rs. vbc 41-in a tam zawk a ni.

Bevco (Kerala State Beverages Corporation) kaltlanga Uthradom chhunga zu hralh chu nikuma Rs. vbc 112 a nih laiin, kuminah chuan Rs. vbc 116.1 man an hralh tling a ni. Zu zuartu zingah Irinjalakkuda chuan Uthradom chhunga Rs. vbc 1.06 man hralhin hralh hnem ber a ni a, Kollam-a Asramam port-in dawtin Rs. vbc 1.01 man an hralh ve bawk. Rs mkt 90 chin hralh pha zingah Changanassery, Court Junction Cherthala leh Payyannur te an tel. Bevco official-te chuan Avittam (Nilaini) thlenga zu hralhna man aṭanga hmuh an beisei zat chu Rs. vbc 770 a nih thu an sawi a, hei hi nikumah chuan Rs. vbc 700.6 a ni.