J&K-a inthlan neih chu EC thu a ni : Sorkar laipui

Jammu and Kashmir-a inthlan huaihawt chu Election Commission thuneihna leh a hun pawh anmahni ruat tur a ni tiin sorkar laipui chuan Ningani khan Supreme Court a hrilh.

Chief Jusice DY Chandrachud kaihhruai, judge panga ṭhutna constitution bench chuan J&K-in inhung bikna dan an neih, Article 370 sorkar laipuiin a hlihsak duh lohna appeal a ngaihtuahnaah sorkar laipui chu J&K-a inthlan buatsaih thuai tur hian a hriattir a ni. Sorkar aiawh, Solicitor General Tushar Mehta chuan J&K-a inthlan huaihawt chu Election Commission leh State poll panel te kuta awm a nih thu sawiin, inthlan buatsaih a nih chuan panchayat poll, municipal poll leh legislative poll anga chhawng thuma neih a nih tur thu a sawi bawk.

August 19 khan sorkar laipui chuan Supreme Court hnenah hian J&K UT-a ṭhen chu thiltih lailawk leh nghet a ni lo tih hrilhin, hemi chungchang sawi fiahna chu kimchang zawka an la neih tur thu a sawi a ni.