Rahul-a'n environment draft duh lo

Congress hruaitu Rahul Gandhi chuan nimin khan environment impact assessment (EIA) 2020 draft chu sawiselin, he draft hi environment tihchhiatna a nih avangin sut turin sorkar laipui chu a ngen.

EIA draft-ah hian hnathawh tur project hrang hrang vanga thing leh mau, ram tihchereuna tur a awm thu Rahul chuan tarlangin, hei hian kan ram leilung a suasam dawn niin a sawi a, BJP sorkar hmalakna chuan rapthlak takin kan ram leilung tih chereu a tum niin a puh. 

Kumin March thla khan EIA draft hi Environment Ministry chuan a tichhuak a, mipuite ngaihdan lakkhawmna hun hawn mek a ni. June 30 thleng kha mipuite tan he draft hi ṭha an tih leh tih loh an ngaihdan lakkawmna hun hawn a ni a, a hun hi pawtsei lehin August 12 thleng mipui ngaihdan lakkawmna hun hi hawn leh a ni. 

Rahul chuan Pathianni aṭang khan EIA draft hi do turin mipuite a sawm a, facebook lamah pawh hashtag 'WithdrawEIA2020' tih hmangin he draft hi kan environment tan a ṭhat loh zia campaign a nei bawk.