Sakhaw inlehtir titawp tura ngenna SC-in hnawl

Karnataka mi, Jerome Anto-a'n sakhaw inlehtirna thleng ṭhin titawp tura Supreme Court-ah ngenna a theh luh chu Court chuan a hnawlsak.

Anto hian Hindu leh hnam tlem zawkte chuan dik lo tak leh inbumna hmanga an sakhua aṭanga inlehtir an tawk nasa tiin Supreme Court-ah PIL a theh lut a ni. Supreme Court chuan nimin khan PIL hi ngaihtuahin a hnawl a ni.

Supreme Court chuan,"PIL chihmanraw ṭha tak a ni a, mahse, mi zawng zawngin hetianga PIL an theh lut hi eng nge awmzia awm? Tu emaw nunna a derthawng a, mi tu emawin harsatna a tawk a nih chuan court hian ṭha takin kan ngaihtuah ang. Eng vangin nge court hian he thu buaithlak lutuk hi a ngaihtuah ang? Engtin nge court hian sorkar lakah writ of mandamus a pek theih ang?" tiin a hnawl. PIL theh luttu aiawha ding lawyer-in khawiah nge an lungawi lohna an thlen ang tia a zawhna pawh court chuan thurawn petu tur a nih loh thuin a chhang bawk.