CBI-in GAIL senior official pahnih an man

Central Bureau of Investigation (CBI) te chuan Nilaini zing khan Rs nuai 50 eiruk thubuaiah Gas Authority of India (GAIL) executive director (projects) leh senior general manager bakah mi pathum an man.

GAIL executive director Krishna Ballabh Singh leh chief general manager, Davinder Singh te chu man an ni a, anni bakah hian Vadodara-a awm, Advance Infrastructures Private Limited director, Surendra Kumar pawh an man tel a ni.

FIR aṭanga a lan danin GAIL executive director hian project thawh lai pahnih a vil mek a, chungte chu Advance Infrastructures te project- gas pipe phum hna an thawh, Srikakulam Angul project a ni. Anni hi Kazakhstan-a hmunpui nei, KSS group hnuaia JSC OGCC KazStroyService sub-contractor anga thawk telin, Vijaipur Auraiya project hnuaia pipeline phum hna tho an thawk tel bawk a ni. Heng project-ah te hian GAIL executive director hian Advance Infrastructure te hi a duhsak uchuak hle nia hriat a ni a, thamna pek avanga dan kalha bill lo pek chhuah hmate a nei bawk a ni.