Manipur sorkar fiah

Manipui Assembly-ah nimin khan chief minister N Bireng Singh kaihhruai ṭang­rual sorkar fiah a ni. 

Sorkar fiahna tur hian nimin khan special session neih a ni a, he huna tel tur hian BJP leh Congress party chuan an party MLA-te pawh an lo hriattir lawk vek a ni. June thla khan rorellai, BJP party MLA pathum chu bangin Congress an zawm a, National People's Party (NPP) MLA pali leh, independent leh Trinamool Congress (TMC) pakhat ve ve ten BJP kaihhruai sorkar thlawpna an hnukdawk bawk. Mahse NPP leh BJP hruaituten hma an lak hnuah, NPP MLA-te hian an thutlukna hi an sut leh a ni. 

Seat 60 awmna, Manipur Assembly-a hian MLA pathum an ban avang leh, anti-defection law hnuaia member palite dis­qualify an nih avangin member 53 an awm mek a ni. Kum 2017 assembly in­thlan­ah khan BJP hian seat 21 lain Congress-in seat 28 a la a, Congress MLA pakhat chuan BJP a zawm avangin Speaker chuan member a nihna aṭangin a lo ban tawh bawk. BJP hi NPP, TMC leh independent MLA-ten an thlawp avangin BJP kaihhruai ṭangrual sorkar a ding a, N Biren Sing chu chief minister atan lakluh a ni.